Ska-Reggae Telebista

Hona hemen Ikus-Entzunezko Komunikazio eta Publizitateko 31. taldekide batzuk egindako telebista, Gorka Palazioren Irrati eta Telebistako Informazioaren Teoria eta Teknika irakasgaiako 3. ataza. Aukeratutako gaia, ska eta reggae musika izan da. GOZA EZAZU!!

EGILEAK

Ane de la Presa, Eider Domínguez, Oihan Chavarri, Paula Palomares eta Mikel Sáenz de Buruaga

PROGRAMAZIOA

(orduak ikuslearen erosotasunerako biribildu dira, eta gutxi gorabeherakoak dira)

02.15 / 14.15 : SARRERA eta OBRINT PAS talde valentziarraren kontzertua (1:44.38)

04.00 / 16.00 : REGGAE EMANALDIA. Bob Marleyren dossierra eta beste batzuk (3:03.14)

07.00 / 19.00 : SKINHEAD ATTITUDE dokumentalaren lehenengo zatia (0:44.00)

07.45 / 19.45 : SKA ETA REGGAE EUSKAL HERRIAN. Kortatu, Hertzainak, Potato, Zarama, Fermin Muguruza, etab. (2:45.51)

10.30 /22.30 : HISTORIAREN ERREPASOA. Jamaica ska-reaggetik, Britania Handiko 2-tone skara (3:42.16)



ON-DEMAND BIDEOAK
On-Demand moduan jarri ditugun bideoak gure taldeak berak sortutako bideolanak izan dira, eta honako bi hauek dira:

- SARRERA. Ska eta Reggaeren historiari buruzko irudiekin eta Laurel Aitken-en musikarekin egindako bideolana.

- KALE GORRIAN SPOTA. Judimendiko Gazte Asanbladaren eskaeraz, spot bat sortu dugu Akto Reflejo eta Aketza Iruñeako Oi! eta Ska musika taldeen abesti batekin.

IKAS DEZAGUN KONTZEPTUAK PAREKATUZ

JIRAFA
Telebistaren alorrean erabiltzen den hitza beso artikulatu moduko tresna bat izendatzeko, hots, mikrofonoa daraman besoa mikroa bera esatariengandik ahalik eta hurbilen ipintzeko iruditik landa utziz.

SLOW MOTION
Irudi mugimendua moteltxoago erreproduzitzea.

TELEPROMPTERRA
Telebista platoan testuak seinalatzeko sistema digitala. Telebista kameraren ondoan kokatzen da pantaila, esatariak pantailara begiratzen duenean testua irakur dezan, era horretan begirada aurrera zuzenduz eta tinkotuz.

BITAKORA
Iberoamerikan erabiltzen den hitza berriemaileentzako eskuliburuak izendatzeko.

KLAKETA
Telebistan eta zinemagintzan erabiltzen den terminoa arbel txiki bat (zurezko listoi txikerra daukana) izendatzeko. Irudiak eta soinuak sinkronizatzeko erabiltzen da arbelezko tresna hori.

CLOSE UP
Telebistan eta zinemagintzan erabiltzen den hitza esatari edo aktore baten lehen planoa izendatzeko (sorbaldarainokoa) edo lehen-lehen planoa adierazteko.

DOLLY
Karro batean ezarrita doan garabi txikia, telebista estudioetan erabiltzen dena kamerak leku batetik bestera eramateko. Estudio bakoitzean hiru kamera egon ohi dira eta horietariko batek hain zuzen tresa hau darama.

JINGLE
Ingelesezko hitza, irratian erabilia eta publizitate doinu arrakastatsuak izendatzeko erabili ohi dena.

KLIMAX
Narrazio baten une gorena (dela irratsaio batena, dela telesaio batena) izendatzeko erabiltzen den terminoa.

EKOIZPENA
Irratsaio edo telesaio bat egiteko behar diren baliabide finantziero, material eta juridikoez arduratzea.

Nor da pertsonaia ezkutua?

VLADIMIR ZWORYKIN
Errusian sortu zen, Murom hirian hain zuzen, 1899an; eta 1982an hil zen. AEBetan bizitza profesionala egin zuen asmatzaile honek Vladimir zeukan izena. Aditu askok diote bera izan zela telebista elektronikoaren eta bideoaren aita. 1923an, ikonoskopioa asmatu zuen, hau da, irudiak jasotzeko tutua. 1929an kineskopioa ere asmatu zuen. Westinghouse eta Radio Corporation of America (RCA) enpresetan lan egin zuen. II. Mundu Gerran AEBetako gobernurako aholkulari zientifikoa izan zen.


ROBERT EDWARD TURNER III (TED TURNER)
CNN telebista kate ospetsuaren jabea eta gizon aberatsa. 1938. urtean sortu zen eta Robert Edward izena jarri zioten gurasoek. Familia aberats baten hirugarren pertsonaia ospetsua. 2002an, 9.300 milioi dolar galdu zituen AOL Time Warner enpresak kolapsoa eduki zuenean merkatuan. United Nations Foundation-i mila milioi dolar eman zion. Jane Fonda artistarekin egon zen ezkondurik.


JOXE MARI IRIONDO
Kazetari, idazle, telebistalari eta kultur eragile gipuzkoarra. Urrestillan jaioa, 1938an. Merkataritza ikasketak egin ostean, Loiolako Herri Irratian hasi zen esatari lanetan 1962tik 1982ra bitartean. Ez dok amairu taldearen sortzaileetarikoa eta ETBko erredaktore-burua 1983tik 1985ra. Euskaltzain urgazlea eta ETBko zuzendari eta programazio-buru ohia izan zen. Liburu batzuen idazlea: Noiz amatxo? eta Euskal dantzak, kasurako.


RAMON LABAIEN SANSINENEA
Euskal Telebistaren proiektua pertsonaia honek burutu zuen. Tolosan jaio zen 1928an eta aita idazle ospetsua izan zen Tolosako alkatea eta EAJkidea izateaz gain. Bere ekimenez ETBz gain, HABE, Euskadi Irratia eta Euskadiko Orkestra sinfonikoa ere sortu ziren.

2.ataza

THE CORPORATION

Dokumental honek oso ondo irudikatzen ditu enpresa handi edo korporazioek gure inguruan dituzten ondorioak eta horiekiko duten jarrera. Korporazioen jokabidea salatzen du eta gehienok lehenagotik (batzuek gehiago eta bestek gutxiago) ezagutzen ditugun aspektu asko erakusten dizkigu. Hala ere, ez da aspergarria edo errepikakorra, haietan sakondu egiten duelako eta arazo horiek guztiak batera erakusten dizkigunez, benetan duten eragina, boterea eta arriskua ikusteko gai garelako.

Bideoa ikusterakoan, gure gizartearen deshumanizazioaren adibide latzena ikusten ari garelako sentsazioa izan nuen, batez ere korporazioetako kargu altuek edo beraientzako lan egiten dutenen elkarrizketak entzutean. Esaten duten guztian gogor sinesten zutela ikus daiteke, nahiz eta astakeriak zirela iruditu niri. Izugarria iruditu zitzaidan burtsan inbertitzen duen gizon bati egindako elkarrizketa. Berak dioenez, burtsan dabiltzanak, gatazka politikoak edo gerrak gertatzen direnean etekinak baino ez dituzte ikusten, hauek lehengaien merkatua bultzatzen dutelako.

Korporazioa, gizabanakoek bezala, eskubideak dituen erakunde bat da, baina legearen aurrean pertsonok izan ditzakegun oztoporik gabea eta guztiz amorala. Legeak egin diezaiokeen bakarra multak ipintzea da, baina gehienetan etekin handiagoak izaten dituzte multak ordainduta legea beteaz baino.

Etika alde batera utzi eta etekinak dira beraien helburu bakarra. Pertsonak, animaliak, ingurugiroa, haurrak…, nahiz eta hauetako edonor kaltetua izan, ezinezkoa da enpresa hauek gelditzea.

Espero dudana da gizarteak enpresek izan duten bilakaera berdina ez izatea.

Web orrien Top7

1. Youtube: http://www.youtube.com

Bideo laburrak modu erraz batean internetera igotzeko aukera ematen du, baita bertan dagoen edozein bideo ikusteko aukera ere. Gainera, orrialde honek erabiltzailearekin mantentzen duen komunikazioa streaming-a da, hau da, edukiak ikusteko ez da beharrezkoa hauek deskargatzea, beraz, ez dute ordenagailuaren memoria okupatzen.

2. Google video: http://video.google.es/

Youtuberen antzeko orria da hau, hemen ere jendeak edo telebista kateek igotako bideoak ikusi edo haien bideoak igo ditzakete.

3. Mogulus: http:/www.mogulus.com

Edozeinek telebista kate bat sortu dezake orrialde honi esker eta munduko edozein tokitatik emititzen diren telebista kate ugari ikusi daitezke honen bitartez.

4. Zamzar: http:/www.zamzar.com

Orrialde h

onek hainbat aukera ematen ditu. Alde batetik, norberaren bideoak formatoz aldatzeko aukera ematen du, baina gainera, beste web orrialdeetako (youtube adibidez) bideoak ordenagailura aukeratutako formatoan deskargatzeko aukera ere ematen du.

5. Archive: http://www.archive.org/index.php

Archive.org, multimedia errekurtsoak eta web orrien historialak gordetzeko sortu zen. Bertan ikus-entzunezko eta i

datzizko material asko aurkitu daiteke, haietariko asko Creative Comons lizentziadunak. Orri hau oso baliagarria iruditzen zait iraganeko artxiboak bilatzeko edo web orrialde askok izan duten bilakaera aztertzeko.

6. Goear: http://www.goear.com

Orrialde honetan erabiltzaileek audio dokumentuak igo egiten dituzte, gerohauek edonoren eskura egon daitezen. Beraz musika konpartitzeko web orri bat dela esan daiteke. Youtubek bezala, honek ere streaming eredua erabiltzen du.

7. DivXonline: http://www.divxonline.info/

Web orri honetan filmak ikus daitezke eta ez duzu ordenagailura deskargatu beharrik. Bilatzailea dauka eta hauetan Veoh, Megavideo eta Youtube orrialdeetan igota dauden pelikulen linkak aurki daitezke, bertatik ikusteko.

Wikipediarako sarrera

HALA BEDI IRRATIA

Hala Bedi, Gasteiztik emititzen den eta Arabako lurraldera heltzen den irrati libre autogestionatua da. Programazioaren gehiengoa euskaraz ematen da.

Herri mugimendutik sortu zen irrati honen lehen emisioa 1983ko abuztuaren 6an izan zen Hedegile kaleko estudio batetik, hasierako asmoa estreinua abuztuaren 4an izatea bazen ere. Hainbat arazori aurre egin behar izan dio irrati honek: abuztuaren 4eko atxiloketak, hiru itxiera… Baina urteak igaro ahala handituz eta hobetuz joan da, bai eduki eta baita ekipo teknikoari dagokionez ere.

Gaur egun, Arrosa irrati sarearen kide da eta Hala Bediko parrillan, berak ekoiztutako saioez aparte, sare honetan dauden beste irratiek sortutako beste hamabi irratsaio ere badira.